МШБ-ның ҚОРШАҒАН ОРТАМЕН
ӨЗАРА ІС-ҚИМЫЛЫН ҰЙЫМДАСТЫРУ
- Баланы бейтаныс адамдармен кездесуге дайындау қажеттілігі туралы ұмытпаңыз. Егер бала Сіздің әңгімелеріңізді түсіне алса (түсінсе), сондағы адамдар (балалар) ескі таныстардан қалай ерекшеленетінін түсіндіріңіз. Егер бала Сіздің түсіндірулеріңізді қабылдамаса, онда Сіз кездесетін адамдарды дайындауға ерекше күш жұмсаңыз.
- Балаңыздың ерекше эмоционалды сезімталдығын естен шығармаңыз. Балаңыздың Сізден алшақтамай, жасырынуға ұмтылуы мүмкінін екендігіне дайын болыңыз. Сонда сол жерде біраз уақыт тұруға күш табыңыз. Себебі, сыртқы ортамен байланыс ақылға қонымды түрде шектелуі керек. Қоршаған ортамен байланысты бірнеше минуттан бастаңыз, кейін уақытты біртіндеп көбейтіңіз.
- Егер сол уақытта балаңызды ешкім қабылдамаса, оны «ешкімге міндеттемеңіз». Бұл баланың кінәсі емес, ойын немесе қарым-қатынас үшін ұсынылған орта оны қабылдауға әлі дайын емес, сондықтан қоршаған ортаны ерекше баланың келуіне дайындаудың басқа жолдарын табуға тырысыңыз, егер Сіз тапсырмалардың орындалмайтындығын сезсеңіз, үмітсізденбеңіз, балаға басқа адамдарды (ортаны), басқа құрдастарды іздеңіз. Сенімді, дәлелденген әдіс – бұл адамдарды өз үйіңізге қонаққа шақыру немесе ерекше балалары бар отбасылармен бірлесу.